Продолжува да свети спортскиот дух за  мир во светот

Кога олимпискиот огaн во Пекинг ќе биде  изгаснат, стотици млади планинари и  качувачи низ целиот свет ќе запалат  факели на планински врвови со што симболично ќе продолжат да живеат  Олимписките вредности.

Ова е мотото на настанот “Светлина за  мир” во која се вклучува и Р.Македонија  преку носителот  на настанот кај нас,  Младинските комисии на Федерацијата на  Планинарски Спортови на Македонија –  ФПСМ, која е членка на Унијата на  Интернационални Планинарски Федерации  – UIAA, организатор на настанот.

На 24 август, точно во 12.00 часот, на денот  на гаснење на олимпискиот оган во Пекинг,  ќе се запалат факели или планинарски челни лампи на највисоките планински  врвови во земјите учеснички на настанот.

Дел од учесниците на настанот се:

• Италија  каде ќе се искачат 100 врвови од 205 групи на  млади планинари;
• Словенија со искачување  на највисокиот врв Триглав (2864м);
  
• Грција  каде ќе се искачи Олимп;
  
• Јужна Африка  каде 100 деца ќе искачуваат 2 врва (Helderberg West  и Stellenbosch Berg).
  

На овој настан ќе се  придружат качувачи од Јужна Кореа,  Шпанија, Кина.

Кај нас на настанот ќе учествуваат десет  тима со по пет искусни и млади планинари,  кои заедно во недела на 24 август, во 12.00  часот ќе ги запалат челните планинарски  батериски лампи  или факелите на 10 планински врвови: 

1. Љуботен - Шар планина (2498м.)
2. Титов врв - Шар планина (2748м.)
3. Кораб - Бистра  (2764м.)
4. Магаро - Галичица (2254м.)
5. Пелистер - Баба (2601м.)
6. Солунска Глава – Јакупица (2540м.)
7. Зеленбег - Кожуф (2171м.)
8. Лисец - Плачковица (1754м.)
9. Руен - Осоговски планини  (2252м.)
10. Тумба - Беласица (2029м.)

Со поддршка на T-Mobile и Македонски Телеком  настанот низ слики и

видео клипови ќе  биде проследен преку порталот http://www.idividi.com.mk

Во галеријата на нашиот сајт можете да видите новиалбуми со слики од настанот.